Тэмдэг нэр
алслагдмал [тэмдэг нэр]
нэгэнт алслагдсан, алс холын алслагдмал сум (аймгийн төвөөс алс зайдуу орших сум), алслагдмал нутаг (алс зайдуу нутаг).
алтадмал [тэмдэг нэр]
төмөрлөг эдлэлийг алтаар бүрхсэн, нэгэнт алтадсан алтадмал бөгж (алтаар шармалдан бүрсэн бөгж), алтадмал бурхан (алтаар шармалдан бүрсэн бурхан).
алтлаг [тэмдэг нэр]
алттай, алт оролцсон алт шиг өнгөтэй, алт мэт алтлаг шар (алтан шар), алтлаг эд (алт шиг өнгөтэй эд).
алхаг [тэмдэг нэр]
ажилд нэн залхуу хойрго, салан задгай алхаг залхаг (хоршоо үг) (залхуу хойрго), алхаг хойрго (хоршоо үг) (залхуу хойрго).
алхаг [тэмдэг нэр]
хэтэрхий мэдэмхий, мэдэмхийрхэг.
алцан [тэмдэг нэр]
хүн, амьтны хөл төрөлхөөс майга алцан хөлтэй (хоёр хөл нь хоорондоо зайтай), сайхан явах гээд алцан явах (цэцэн үг) (хэт маяглах зохисгүй), аль ч үгүй алцан тэх болох (юу ч үгүй хоцрох).
алцгай [тэмдэг нэр]
алцгар.
алцгар [тэмдэг нэр]
хөлийн хоорондох зай их, хөл хажуу тийш хэтэрхий холдсон алцгар хөл (хажуу тийшхи хөлийн хоорондох зай) навтгар, хөл богино, тагдгар алцгар намхан ширээ (навтгар намхан хөл нь гадагш хазайсан ширээ), алцгар хүн (тагдгар хүн) (шилжсэн утга) аальгүй алцгар хүүхэн (аальгүй хүүхэн).
амалхай [тэмдэг нэр]
хэлэмгий хүн ам хатуу морь.
аманцар [тэмдэг нэр]
юмны түрүүнд ярих хэлэлцэх дуртай, нэлээд нүүрэмгий аманцар хүүхэд (нүүрэмгий хүүхэд) морь малын байн байн довтлон тэмүүлэх нь аманцар морь (амаа мэдэхгүй, ам хатуу морь), аманцар морь авын шившиг, аальгүй авгай гэрийн шившиг (зүйр үг) (төлөв төвшин байх нь бүхнээс чухал).
амар [тэмдэг нэр]
зовнилгүй, тайван, төвшин амар тавиу (орон даяар энх төвшин), биеийн амрыг харах (залхуурах), мэнд амар суух (сайн суух), амар жаргал (хоршоо үг) (төвшин жаргал), амар жимэр (хоршоо үг) (а.тайван амгалан б.хэл ам, хэрүүл тэмцэлгүй), амар тайван (хоршоо үг) (айх аюулгүй, үймээн шуугиангүй, тайван амгалан), амар энхэнх амар (хоршоо үг) (өвчин зовлонгүй, амар тайван), амар заяа үзүүлэх (амраах), сүх далайтал үхэр амар, сүүж автал чөмөг амар (зүйр үг) (хэрэг явдлыг болох хүртэл тайван амгалан байх) (хуучир.) мэндлэхэд хэрэглэх хүндэтгэл үг, гачигдал зовлонгүй, амгалан тайван байхыг ерөөсөн утгатай үг амрыг эрэх (мэндийг нь асуух), амар мэнд үү (мэнд сайн уу).
амар [тэмдэг нэр]
аливаа ажил үйлсийг хийхэд төвөггүй, хялбар дөхөм хийхэд амар (хийхэд хялбар),
амарлингуй [тэмдэг нэр]
амирласан байдалтай, аливаа түгшүүр арилж сэтгэл санаа уужран зан ааль номхон эелдэг, тайван амар болсон байдал амарлингуй амьдрал (тайван амьдрал), амарлингуй дүр (амгалан дүр) байгаль орчны нам тайван, тогтуун сайхан байдал (шилжсэн утга) залхуу хойрго, хашин хойрго.
амархаг [тэмдэг нэр]
аманцар, илэн далангүй ярьдаг, чалчдаг амархаг чавганц (илүү үгтэй чавганц).
амархан [тэмдэг нэр]
хялбар, хэцүү биш амархан ажил (хялбар ажил), амархан сурах (дор нь сурах), туйлбаргүй хүн буцахдаа амархан, тугалган жад шантрахдаа амархан (цэцэн үг) (тогтсон санаа бодолгүй хүн хэлсэн үгэндээ хүрдэггүй буцамтгай байдаг), оньсыг нь олбол тайлахад амархан, олмыг нь олбол гатлахад амархан (зүйр үг) (аливаа ажлыг эв аргыг нь олбол хийхэд хялбар) яршиг төвөг болдоггүй номхон дөлгөөн хүн.
амбан [тэмдэг нэр]
их том амбан шар (нас гүйцсэн шар).
амгалан [тэмдэг нэр]
сэтгэл санаа түвшин, бие сэтгэл зовлон зүдгүүргүй, энх эсэн амгалан тайван (хоршоо үг) (амар тайван), амгалан энх (хоршоо үг) (түвшин сайхан), төрийн нуруу төвшин бол түмэн олон амгалан (зүйр үг) (төрийн түшмэд нуруутай бол хүн зон тайван жаргалтай) мэндлэхэд хэрэглэх хүндэтгэл үг амгаланг айлтгах (мэнд амрыг асуух) тайван, номхон, уцаарладаггүй амгалан байх (тайван байх).
амилуун [тэмдэг нэр]
амь бүхий амилуун агаар (амин агаар).
аминч [тэмдэг нэр]
зөвхөн амин хувиа боддог, өөрийгөө эрхэмлэн, өөрийн хэргийг бусдын хэргээс илүү чухалд үзэгч аминч зан (амин хувиа боддог), аминч үзэл (хувиа хичээсэн үзэл) нууцалж явдаг хувийн юм аминч нөхөр (зөвхөн өөртөө нөхөр болгосон хүн).
аминчир [тэмдэг нэр]
амин хувийн эрх ашгийг боддог, хувинчир зан аминчир үзэл (зөвхөн хувийнхаа ашиг тусыг эрхэмлэдэг үзэл).