Тэмдэг нэр
савдаг [тэмдэг нэр]
юм бүхэнд оролцож явдаг саваагүй зан савдаг зантай (юм юманд саваагүйрхэн оролцох зан), алиа савдаг (өөрт хамаатай болон хамаагүй бүхий л хэрэг явдалд оролцож марзганаж явдаг саваагүй зан байдал), савдаг элээ шиг (юм бүхэнд оролцож явдаг, савсаг).
савдгануур [тэмдэг нэр]
савдганасан зан байдалтай савдгануур этгээд (юм бүхэнд амжиж орох боловч үр дүнг үзэлгүй орхих зантай этгээд).
савираа [тэмдэг нэр]
шингэн зүйлийн бага багаар гоожих байдал савираа бороо (дусал дуслаар орох бороо).
савсаг [тэмдэг нэр]
тодорхой зорилгогүйгээр бүхий л хэрэг явдалд оролдох дуртай зан савсаг зан (юм юманд оролцож элдэв хэрэгт дурлах зан байдал), савсаг хүн (өөрт хамаатай болон хамаагүй хэрэг явдалд оролцох дуртай хүн) хээнцэр, завхай байдал савсаг эхнэр (завхай явдалтай бүсгүй), алиа савсаг (хоршоо үг) (алиг шалиг муу зан), савсаг завхай (хоршоо үг) (ааль явдал самуун, зальхай), савсаг зайдан (хоршоо үг) (эмх замбараагаа алдсан муу явдал бүхий), савсаг самуун (хоршоо үг) (хэтэрхий задгай, үймээнд дуртай байдал), савсаг шалиг (хоршоо үг) (хөнгөмсөг, завхай явдал), савсаг самуун явбал сайхан биеэ гутаана, шалиг балиг загнавал шал нүцгэн хоцорно (зүйр үг) (шалиг самуун явдлыг цээрлүүлэн хэлсэн нь).
савсгануур [тэмдэг нэр]
тогтворгүй, самуун зан байдал бүхий савсгануур зан (тогтворгүй зан ааш).
савтархай [тэмдэг нэр]
хувцас зэргийн элэгдэн үжирч тамтаг болсон нь савтархай навтархай (хоршоо үг) (бөс бараа зэрэг эдээр хийсэн зүйлийн ихэд урагдан сэмэрсэн байдал).
савуур [тэмдэг нэр]
эд хөрөнгөө хамаагүй үрэн таран хийх зан бүхий савуур зан (хөрөнгөө дур зоргоороо сүйтгэдэг бодлогогүй зан байдал), савуур хүн (эд хөрөнгөө хамаагүй үрж зардаг хүн). савх(ан) (нэр үг) яс, хулс, мод, төмөр зэргээр хийсэн хоол хавчиж идэхэд зориулсан хос нарийн хэрэгсэл ясан савх (ясаар хийсэн хоол идэх хэрэглэл), төмөр савх (төмрөөр хийсэн савх), савхны гэр (савх агуулж хадгалах сав), савхны толгой (савхны дээд талд мөнгө төмрөөр бөгж тавьсан нь), савхны хоног (хутганы хуй дахь савх дүрэх зориулалтын хэсэг), савх барих (урт нарийхан хос зүйлийг зэрэгцүүлэн барих), савх хийх (хулс, мод, төмөр зэргээр хоолоо хавчин авч идэхэд зориулан хос урт нарийхан зүйл хийх), савхаар идэх (нарийн урт хос зүйлээр хоолоо хавчин барьж идэх), савх мод (бага ангийн сурагчдыг тоо бодож сурахад зориулсан нарийн жижиг мод, хичээлийн хэрэглэл), савх шиг хуруу (нарийнхан, урт хуруу), савхан ташил хөгжим. (ясан савх амандаа зуугаад няслан хөг аялгуу гаргах монгол ардын хөгжмийн урлагийн нэгэн төрөл зүйл), савхан өвс (ургамал судлал) (нэгэн зүйл бамбай өвс) байшингийн тааз, ханыг шавардахдаа хаддаг нарийн цуудас мод савх хадах (хананд шавар тогтоох зорилгоор нарийн цуудас мод хадах) ховил гаргасан хоёр банзны хооронд чагтлан бэхлэх нарийн мод савх төмөр (тэнхлэгийг элэгдлээс хамгаалахаар модон тэргэний тэнхлэгт шигтгэн суулгасан нарийн төмөр), савх шаах (ховилтой банзны хооронд нарийн мод чагтлан хийх), туурганд савх хадах (туургыг савх модоор дарж хадах) хувцас зэрэгт оёсон нарийхан хээ савхан хилэн (тууш хээтэй хилэн), савхан хээ (нарийн урт хээ), савхан даравч (төгөлдөр хуурын даруул).
савчуур [тэмдэг нэр]
тогтворгүй, үрэлгэн зан байдал, далдгануур савчуур хүн (эд хөрөнгөө хамаагүй үрэн таран хийж сүйтгэдэг хүн).
сагил [тэмдэг нэр]
хоёр удаа төллөсөн бог мал сагил хонь (хоёр хургалсан хонь).
саглагар [тэмдэг нэр]
мод ургамлын мөчир, навч, нахиа зэргийн багшран сагсайж ургасан байдал саглагар мод (навч нахиа, мөчир салаа ихтэй мод), саглагар баглагар (хоршоо үг) (багсайж сагсайсан байдал), саглагар гэсэр цэцэг (ургамал судлал) (үслэг гэсэр цэцэг) ямар нэгэн зүйлийн овор бараа, үс ноос ихтэй, навсгар байдал саглагар амьтан (овор, үс ноос ихтэй навсгар амьтан), саглагар сүүлтэй хэрэм (өтгөн сүүлтэй хэрэм), саглагар үхэр (үс ноос ихтэй үхэр),
сагсар [тэмдэг нэр]
сагсгар.
сагсгар [тэмдэг нэр]
хүн, амьтны үс ноос ихтэй, өтгөн, сэгсгэр байдал сагсгар дэл (өтгөн саглагар дэл), сагсгар сүүлтэй нохой (өтгөн сүүлтэй нохой), сагсгар үс (өтгөн үс) мод, бургас зэргийн навч нахиа, мөчир салаа ихтэй байдал сагсгар мод (мөчир салаа ихтэй мод), сагсгар модны салаа олон, салан эмийн өөдөс олон (зүйр үг) (мөчир, навч ихтэй мод саглагар байдаг, үйл үртэст муу бүсгүй гологдол их гаргадаг), сагсгар мод уулын чимэг, сайхан хүүхэн гэрийн чимэг (зүйр үг) (мөчир салаа ихтэй модтой уул сайхан харагддаг бол сайхан бүсгүй гэрийнхээ чимэг болдог).
сагсуу [тэмдэг нэр]
бардам хөөрүү, онгироо зан байдал бардам сагсуу (хоршоо үг) (биеэ тоосон, онгироо дээрэлхүү зан авир), онгироо сагсуу (хоршоо үг) (хөөрүү, хөвсөргөн зан ааш), сагсуугийн аманд салхи, салангийн хуруунд болхи (зүйр үг) (хүний зан ааш, төрх байдал нь ажил хэргийг хийж гүйцэтгэхэд ихэд нөлөөлнө).
садаат [тэмдэг нэр]
аливаа зүйлд саад болох юм.
садансаг [тэмдэг нэр]
төрөл садандаа элгэмсэг, дотносог садансаг хүн (төрөл садантайгаа дотно холбоотой хүн), садансаг зан (төрөл садан хэмээн дотночлон үзэх зан).
садар [тэмдэг нэр]
хүсэл тачаал хэтэрсэн завхай, шалиг садар хүүхэн (завхай, шалиг явдалтай хүүхэн), садар ус (үрийн шингэн), садар явдал (завхай, зайдан хэрэг явдал), бузар садар (хоршоо үг) (шалиг, завхай, самуун явдал), садар самуун (хоршоо үг) (шалиг, завхай), сайн үйлийн нэрийг садар явдал барна (цэцэн үг) (сайн үйл хийв ч шалиг, завхай явдалтай бол үнэ хүндгүй), садар самуун явбал сайн нэрээ алдана, цалгар назгай явбал хөгжил хөдөлмөрөөс хоцорно (цэцэн үг) (шалиг завхай явдалтай бол олонд муу хэлэгддэг, алжуу залхуу бол хөгжил цэцэглэлтээс хоцордог).
садархай [тэмдэг нэр]
жалга сархиаг ихтэй газрын байдал.
сайвар [тэмдэг нэр]
жороо морины явдалтай адил боловч хурд багатай, алгуур явдал сайвар алхаа (урд хоёр хөлний мөрнөөс хойд хоёр хөлний мөр нь бараг төө сөөм давж гишгэх хурдан алхаа), сайвар морь (жороо морьтой адилавтар алхаа гишгээтэй боловч арай удаан явдалтай морь), сайвар орох (морины явдал хурдасч, жороо маягтай болох), сайвар моринд газар ойр, сайн хүнд нөхөр ойр (зүйр үг) (сайн хүнтэй хүн нөхөрлөх дуртай байдаг).
сайвар [тэмдэг нэр]
сайн сайхан сайвар учирсан (сайн сайхан), сайвар ангижирсан (шашны нэр томьёо)хуучир. (мөнхийн амирлангуйд одсон будда бурхан).
сайвар хуучир. [тэмдэг нэр]
нарийн нягт, нямбай айвар сайвар (хоршоо үг) (хөнгөн, гоомой болоод нягт нямбай).