Тэмдэг нэр
өрвөлзүүр [тэмдэг нэр]
хүний амархан уурлан уцаарлах байдал өрвөлзүүр ааш (амархан уурлаж уцаарладаг ааш араншин) (шилжсэн утга) морь малын бага зэрэг омголон байдал.
өргөлтөт [тэмдэг нэр]
өргөлт бүхий өргөлтөт үе (хэл шинжлэл)(хэлэх явцад өргөлт оногдож буй үеийн эгшиг).
өргөмжит [тэмдэг нэр]
өргөмж бүхий.
өргөмөл [тэмдэг нэр]
дээшээ өргөөд байгаа нь өргөмөл тавцан (өргөгдсөн тавцан).
өргөмөл [тэмдэг нэр]
үрчлэн авч өсгөсөн хүүхэд өргөмөл дүү (үрчилж авсан дүү) үрчилсэн буюу өргөн авсан этгээд өргөмөл эцэг (хүүхдийг үрчилж авсан эцэг).
өргөн [тэмдэг нэр]
нарийн гэдгийн эсрэг утга, юмны хөндлөн тал руугаа хэмжээгээр илүү болоод уужим байдал өргөн мөрөн (талбайн хэмжээ хөндлөөшөө уужим мөрөн), өргөн тал (талбайн хэмжээ хөндлөн тийшээгээ уудам тал газар), өргөн дээл (өргөөшөө уужим элбэг дээл), өргөн магнай (магнай том), өргөн шанаа (том шанаа), өргөн энтэй бараа (бөс барааны өргөний хэмжээ их), өргөн уудам (хоршоо үг) (талбайн хэмжээ их, цэлгэр) (шилжсэн утга) их, үлэмж арвин баярыг өргөн тэмдэглэх (тухайн баярыг олон нийтээр тэмдэглэх), өргөн хүрээ (олныг хамарсан нь), өргөн далайц (тухайн зүйлийн хамрах хүрээ үлэмж их), өргөн мэдлэг (мэдлэгийн хүрээ их олон салбарын мэдлэгтэй), өргөн олон (хоршоо үг) (олон түмэн), өргөн түмэн (хоршоо үг) (олон түмэн), өргөн навчит тайжийн жинс (ургамал судлал) (олон наст өвс толгойрхуу хэлбэрийн дөрвөөс зургаан сантиметр голчтой хөх цэнхэр өнгөтэй баг цэцэг үүсгэнэ, навч нь ишин дээрээ цуварч байрладаг, торлосон юм уу эсгийрхэг үслэгээр бүрхэгдсэн эгц босоо, бат бөх иштэй, голлосон бүдүүн үндэстэй, хээр, хуурай нуга, уулын хээр хайрга чулуутай хажуу, хад асганд ургадаг, бэлчээр тэжээлийн ач холбогдолтой ургамал) дэлгэрэнгүй, олон удаа өргөн хэрэглээний бараа (хүмүүсийн амьдрал ахуйд өдөр тутам, их хэрэглэгддэг бараа таваар), өргөн хэрэглэгддэг үгс (их хэрэглэгддэг идэвхтэй үгс), өргөнөөр тайлбарлан таниулах (дэлгэрэнгүй тайлбарлаж таниулах).
өргөслөг [тэмдэг нэр]
мод, ургамал зэргийн өргөс ихтэй өргөслөг ургамал (өргөс ихтэй ургамал), өргөслөг харагдах (өргөс ихтэй харагдах).
өргөст [тэмдэг нэр]
өргөс бүхий өргөст мод (нарийн шивээ мэт хэлтэс ихтэй мод), өргөст хадаас (гутал, шаахай хадахад хэрэглэдэг жижиг шивээ хадаас), өргөст үг (хүнийг далдуур дайруулж, хатган ёжилж хэлсэн үг), өргөст ногоо (ургамал судлал) (харавтар ногоон навчтай, навчиндаа жижиг өргөстэй (хөхөл) нэгэн зүйл ногоо), өргөст хамхаг (ургамал судлал) (салаа иш нь улаан судалтай, мөчир олон, сондуутай нэгэн зүйл ургамал ногоон байхад нь малын тэжээлд хэрэглэнэ, хатсан хойноо малд хортой), өргөст хэмх (ургамал судлал) (иш нь зэллэж ургана, шар цэцэгтэй, гонзгор ногоон үр жимстэй, хулуугийн намын нэг наст таримал ногоо, хүнсэнд хэрэглэдэг), өргөст нохойн хошуу (ургамал судлал) (дэлбэ цоморлиг хоёроос тогтсон давхар шадар эрхтэнтэй, өрөөсгөл өдлөг нийлмэл навчтай, навч нь иш мөчир дээрээ цуварч байрладаг, мөлхөө үндэстэй олон наст бут сөөг, хүнс, эм, гоёл чимэглэлд хэрэглэнэ), өргөст загас (амьтан судлал) (хайрсгүй жижигхэн биетэй, нурууныхаа сэлүүрийн өмнө есөн богино өргөстэй нэгэн зүйлийн загас).
өргүү [тэмдэг нэр]
юмны зах сэжүүр өргөгдсөн байдал өргүү хормой (үл мэдэг богинодсон хормой) (шилжсэн утга) биеэ өргөмжлөн, дээгүүрт бодох нь.
өрмөл [тэмдэг нэр]
өрж тавиад байгаа нь, өрөөстэй байгаа нь өрмөл ном (өрөөстэй байгаа ном), өрмөл тоосго (өрж тавьсан тоосго).
өрнө [тэмдэг нэр]
баруун зүг өрнийн салхи (баруун зүгээс салхилах салхи), өрнө дорно (хоршоо үг) (баруун зүүн).
өрнөд [тэмдэг нэр]
баруун зүг дэх өрнөд халх (тус улсын баруун зүгт амьдардаг халхчууд).
өрнөх [тэмдэг нэр]
өрнө этгээд дэх өрнөх улс (баруун зүгийн улс).
өрнүүн [тэмдэг нэр]
ид өрнөж байгаа нь дэлгэр өрнүүн тэнүүн (хоршоо үг) (сэтгэл санаа тайван, өөдрөг).
өрөвдөлт [тэмдэг нэр]
өрөвдөл бүхий өрөвдөлт нүд (тусламж хүсэх мэт харах нүд).
өрөвдөм [тэмдэг нэр]
өрөвдөж хайрлам байдал бүхий өрөвдөм царай (өрөвдмөөр царай).
өрөвч [тэмдэг нэр]
энэрэн хайрлагч, нинжин сэтгэлтэй өрөвч сэтгэл (өр нимгэн сэтгэл).
өрөөл [тэмдэг нэр]
бүхэл зүйлийг гол дундуур нь таллан хуваасны нэг юмны тал хагас өрөөл даавуу (энгийн хэмжээгээр дөрвөлжин зүссэн тал даавуу ам даавуу хагас), өрөөл мах (махыг эн тэнцүү таллан хуваасан нь), өрөөлийн өрөөл (ямар нэг зүйлийг гол дундуур нь хуваасан талын тал) өрөөл татанхай (хоршоо үг) (хүн, амьтны биеийн аль нэг эд эрхтэн мэдээгүйжих согог), өрөөл татуу (хоршоо үг) (өрөөсөн тал нь мэдрэл муутай, мэдээгүй байдал), өөрийн бие өөртөө зөв, өрөөл даавуу өмдөндөө зөв (зүйр үг) (өөрийн бодол өөртөө зөв).
өрөөсгөл [тэмдэг нэр]
өрөөсөн сондгой хэлтгий нэг талыг баримтлах нь өрөөсгөл үзэл (нэг чиглэл, нэг талын үзэл), өрөөсгөлөөр үзэх (аливаа зүйлд хандахдаа зөвхөн нэг талыг баримтлах) (шилжсэн утга) ганцаараа хүн өрөөсгөл хүн (а.хань ижилгүй, ганц бие хүн б.нэг талыг хэт баримтлагч), өрөөсгөл хүр (амьтан судлал) (ургамлын хөнөөлт эрвээхэй, монгол орны ойт хээрт тархсан).
өрөөсөн [тэмдэг нэр]
хосоор байдаг зүйлийн нэг өрөөсөн гутал (а.нэг талын гутал б.(шилжсэн утга) хэн нэгний муу занг дуурайсан, ямар нэг муу хүнтэй адилхан), өрөөсөн нүд (нэг нүд), өрөөсөн даль (жигүүртэн амьтны нэг талын жигүүр), өрөөсөн бөөр (а.хүний биеийн хосоор байдаг эрхтний нэг б.(шилжсэн утга) ямар нэг талаараа хэн нэгэнтэй ижил), өрөөсөн дугуй (а.машины нэг ширхэг дугуй б.(шилжсэн утга) бүтэлгүй хүнтэй адил) ганц бие, ганцаараа хүн өрөөсөн бэлэбсэн (хоршоо үг) (хань нь нас барсан ганц бие хүн),