Тэмдэг нэр
өвст [тэмдэг нэр]
өвс бүхий өвст намаг (өвс бүхий намаг) тариалангийн газар.
өвхгөр [тэмдэг нэр]
юмны сууриараа бөгтийн тонгойсон байдал, бөгтөр, мэхгэр өвхгөр хүн (бөгтөр хүн), өвхөс хийх (өвхгөр зүйлийн гэнэт хөдлөх) хөвхийж хөвсийсөн нь, хөвхгөр өвхгөр бүрээс (салхинд хөөрөгдөн дээш хөөрсөн бүрээс).
өвч [тэмдэг нэр]
бүрэн, төгс, бүхэл өвч гэр (иж бүрэн тавилгатай гэр), өвч бие (бүхий л бие), өвч хуяглах (зэр зэвсэг хуяг дуулгаа бүрэн гүйцэд өмсөх, зүүх), өвч тоноглох (аливаа зүйлд тоног чимэглэлийг бүрэн хийх).
өвчит [тэмдэг нэр]
өвчин бүхий, өвчин туссан өрт хүн өгч амрах, өвчит хүн үхэж амрах (зүйр үг) (өгцөөтэй хүн өргүй болбол сэтгэл санаа тайвшран амардаг, эдгэхгүй өвчин туссан хүн насан өөд болж биеэ амраадаг).
өвчлөмтгий [тэмдэг нэр]
өвчин амархан тусдаг, өвчлөх нь түргэн. өвчлөх өвчтэй болох, өвчин тусах өвчлөх зовох (хоршоо үг) (бие зовуур шаналгаа ихтэй болох).
өгвөгөр [тэмдэг нэр]
тонгойж өцийсөн байдал бүхий, өөвгөр өгвөгөр өвгөн (бөгтгөр өвгөн).
өглөгт [тэмдэг нэр]
өглөг бүхий.
өглөгч [тэмдэг нэр]
хүнд туслахыг бодож, юмаа үл харамлан өгөгч, харамч биш хүн өглөгч зан (өглөг өгөх дуртай зан байдал бүхий), өглөгч хүн (хүнд туслах дуртай хүн), өгсөн юмандаа харамсахгүй бол өглөгч, өгүүлсэн юмандаа гэмшихгүй бол зөвлөгч (зүйр үг) (хүнд өгчихөөд харамсахгүй байвал харамч биш хүн, ярьж хэлчихээд хожим амаа барихгүй бол сайн зөвлөгч хүн).
өгөөмөр [тэмдэг нэр]
харамч бус өглөгч зан байдал өгөөмөр хүн (а.өглөгч хүн б.уужуу тайван, сайхан сэтгэлтэй хүн), өгөөмөр сэтгэл (тусч сайхан сэтгэл), өгөөмөр гар (сэтгэлээсээ туслан дэмжиж буй хүн) элбэг дэлбэг, баян тарган өгөөмөр устай худаг (ус элбэг, ундарга сайтай худаг), өгөөмөр баян (а.элбэг хангалуун б.тусч сайхан сэтгэлтэй баян хүн) байгаль дэлхийн өгөөж их, дэлгэр сайхан цаг үе өгөөмөр жил (өнтэй сайхан жил), өгөөмөр зун (ургамал ногоо их ургасан, зуншлага сайтай зун), өгөөмөр хур (өвс ургамал, тариа ногооны ургалтад сайнаар нөлөөлсөн хур).
өгөөмөрч [тэмдэг нэр]
хэн нэгэнд тусламтгай зан бүхий өглөгч зантай өгөөмөрч сайнаас өлзий цагаан хавирга (цэцэн үг) (хэтэрхий өглөгч хүний өгсөн зүйлээс өөрийн олсон өөхтэй цагаан хавирга нь дээр).
өгөр [тэмдэг нэр]
эд юмсын өнгө хувхай, зэвхий саарал өгөр өнгөтэй даавуу (зэвхий саарал өнгөтэй даавуу) хүүршиж хэврэгшсэн байдал өгөр хашаа (уринд шон нь идэгдэн илжирч муудсан хашаа) зэвхий царайлсан гутранги байдал өгөр газар (а.зэвхий даасан хүйтэн газар б.(шилжсэн утга) муу ёрын газар), өгөр даах (а.юмны өнгө хувхайран цайх б.царай зүс муутай, гутранги харагдах) (шилжсэн утга) муу муухай зүйлийг жигшин зэвүүцсэн нь өгөр дайсан (муу дайсан), өгөр толгой (муу хэрэг явдал үйлддэг хүн), өгөр хар (өөдгүй этгээд), өгөр санаа (муу санаа), өрөөсөн хөл болж, өгөр санаа агуулах (зүйр үг) (муу санах).
өгсүү [тэмдэг нэр]
явах тутам газрын байдал өөдөө, өндөр болсон нь өгсүү газар (өгсөх тутам өндөрлөг болох газар) урт зүйлийн дээш өлгөр байдал.
өгсүүр [тэмдэг нэр]
газрын байдал огцом өндөр өгсүүр даваа (дээшлэх тусам улам өндөр болж байгаа даваа), өгсүүр зам (огцом өндөрссөн зам), газрын өгсүүр (газрын өндөрлөг хэсэг), өгсүүр хэвгий (хоршоо үг) (өндөр, налуу байдал).
өгцөөт [тэмдэг нэр]
өгцөө бүхий өгцөөт этгээд (бусдад төлөх өр бүхий этгээд).
өдгөө [тэмдэг нэр]
одоо, орчин үе, эдүгээ өдгөө цаг (одоо үе), эрт өдгөө (өнгөрөн одсон болон одоогийн цаг үе).
өдлөг [тэмдэг нэр]
өд ихтэй өдлөг амьтан (өд ихтэй амьтан) өдний хэлбэртэй байгаа нь өдлөг навчит хуурмаг орхоодой (ургамал судлал) (ой модонд ургадаг олон наст ургамал).
өдөт [тэмдэг нэр]
өд бүхий өдөт бичиг хуучир. (өд нааж, зурж илгээсэн бичиг), өдөт сум (өд наасан сум).
өег [тэмдэг нэр]
шим тэжээл сайтай, нүнжигтэй, чанарлаг өег хоол (шим тэжээлтэй хоол), өег цаг (элбэг дэлбэг сайхан цаг) цатгалан өег суух (цатгалан байх), өег цатгалан (хоршоо үг) (хоол унданд ховдоглон шунахгүй байдал, цатгалан) (шилжсэн утга) аливаа зүйлд хомхойрон шунадаггүй таатай байдал өег сэтгэл (шунахай бус, өгөөмөр сэтгэл), өег тавтай (амар тайван байгаа нь), өег явах (сэтгэл санаа тайван, хангалуун байдалтай байх).
өеө [тэмдэг нэр]
ар тийшээгээ налан хазайсан нь, гэдэргэн хэлбэрүү өеө газар (газрын нэг тийш хэлбэрүү хэвгий байдал).
өехөн [тэмдэг нэр]
уужим чөлөөтэй, хүрэлцээтэй бид хэдэд амьдрахад өехөн боллоо. (ярианы үг, хэллэг), өехөн өрөө (зайтай өрөө).