Тэмдэг нэр

тажгар [тэмдэг нэр] өвс, үсний ургац маш тачир, богино байдал тажгар үстэй арьс (тачир үстэй арьс).
тажирхай [тэмдэг нэр] юмны тачир, богино байдал.
тайван [тэмдэг нэр] дөлгөөн, тавиу, амар амгалан тайван амьдрах (айж түгших зүйлгүй сэтгэл төвшин, амгалан амьдрах), тайван нутаг (айж түгших зүйлгүй амар тайван нутаг), тайван зан (юманд яарч тэвддэггүй, нөхцөл байдалд хянамгай, уужуу бодож ханддаг зан), тайван хувьсгал (олныг хамарсан үймээн самуун, дайн дажингүй явагдах, засаг төрийн үйл ажиллагаатай холбоотой өөрчлөлт), тайван сайхан (хоршоо үг) (аятай сайхан), айван тайван (хоршоо үг) (а.аажуу уужуу, яаралгүй сандралгүй б.амар амгалан), амар тайван (хоршоо үг) (айх аюулгүй, үймээн шуугиангүй), амгалан тайван (хоршоо үг) (гадна дотны элдэв самуун будлиангүй, улс орон ард түмний амар жимэр, зовлон түгшүүргүй байдал), зөөлөн тайван (хоршоо үг) (тогтуун, тогтвортой), нам тайван (хоршоо үг) (айх аюулгүй, үймээн шуугиангүй, амар жимэр), налгар тайван (хоршоо үг) (санаа зовох, яарах зүйлгүй амгалан) энх эсэн, амар жимэр тайван цаг (айх аюулгүй амар жимэр цаг үе), энх тайвнаар зэрэгцэн орших (улс гүрнүүд амгалан тайван байдалтай зэрэгцэн орших), тайван төвшин (хоршоо үг) (а.айх аюулгүй амар амгалан, амар жимэр б.зан ааль тогтуун, намуун), амар тайван (айх аюулгүй, амар жимэр), энх тайван (хоршоо үг) (энх амгалан, эв найрамдалтай, дайн дажингүй, амар амгалан) бодосын харьцангуй зогсонги шинж бүхий байдал.
тайвгар [тэмдэг нэр] хүний хөлийн өсгий хавирч, өлмий гадагш болсон байдал тайвгар хөлтэй хүн (хоёр хөлийн өлмий гадагш байдалтай хүн), тайвга тайвга хийх (тайвгар хөлтэй хүний алхах).
тайвуу [тэмдэг нэр] санаа амар, сэтгэл тавиу, уужим тайван байдалтай тайвуу зан (юманд уужуу тайван, хүлээцтэй ханддаг зан), тайвуу суух (яарах зүйлгүй, тайван суух), тайвуу ярих (яаралгүй тайван ярих), айвуу тайвуу (хоршоо үг) (а.амгалан дөлгөөн зан байдал б.аажуу уужуу, яарч сандралгүй).
тайвуун [тэмдэг нэр] тайвуу.
тайдгар [тэмдэг нэр] тойг нь дотогшоо муруй байдал тайдгар хөлтэй (тойгоороо майжга хөлтэй).
тайраг [тэмдэг нэр] хөл урт бөгөөд өвдгөөр дотогш, үзүүрээр гадагш муруй байдал.
тайран [тэмдэг нэр] тайраг, тайргар.
тайранхай [тэмдэг нэр] тайр(ангийн нэр томьёо)
тайранхай [тэмдэг нэр] нэгэнт тайрч авсан юм, тайрагдсан юм тайранхай хөлтэй ширээ (тайраад авчихсан хөлтэй ширээ), тайранхай үс (тайруулсан богино үс) тайрч авсан хэсэг модны тайранхай (модны тайрагдсан хэсэг), даавууны тайранхай (даавууны тайрагдсан хэсэг), тайранхай моднуудыг хураах (тайраад жижиг болсон моднуудыг эмхлэн хураах).
тайргар [тэмдэг нэр] бие өндөр, хөл нь өвдөг, борвиороо дотогш, үзүүрээрээ гадагш гажсан байдал тайргар хүн (өндөр бөгөөд х хөлтэй хүн).
тайрмал [тэмдэг нэр] нэгэнт тайрсан юм, тайрч авсан юм тайрмал мод (тайрч авсан мод), тайрмал им (тэмээ малд түгээмэл хэрэглэдэг им, шүдтэй тайрмал, ташуу тайрмал, өмнөөсөө ташуу тайрмал гэх мэт олон хэлбэртэй), тайрмал үс (тайрсан богино үс).
тайтгар [тэмдэг нэр] жижиг давжаа бөгөөд хөлийн тойг дотогш мурий байдал, майга тайтгар өвгөн (намхан бөгөөд майга өвгөн), тайтгар хөлтэй (тойгоороо дотогш мурий хөлтэй).
тал [тэмдэг нэр] бүхэл юмны хагас, өрөөл тал бөмбөрцөг (бөмбөрцөг хэлбэртэй юмны хагас), тал дугуй (бөөрөнхий юмыг хоёр хуваасны нэг нь), тал өдөр (хагас өдөр), тал талх (бүтэн талхны хагас), тал хувь (юмыг хоёр хуваасны нэг) юмны нэг этгээд буюу зүг, чиг ар тал (а.аливаа юмны ар хэсэг, ар этгээд б.ямар нэг үйл ажиллагаа явуулж буй хүмүүсийн ар талын ажлыг хариуцсан хүмүүс дайтаж байгаа шугамын ар этгээд, нутаг орон), баруун тал (баруун гар талын хэсэг), гадна тал (гадар хэсэг), дотор тал (юмны дотоод хэсэг), хажуу тал (хажуу хэсэг) тэмцээн уралдаан, дайн тулааны эсрэг этгээд дайсны тал (дайсан этгээд), нэг тал болох (нэг бүлэг болох, хэсэг хэсгээрээ бүлэглэх), хоёр тал (өөр өөрийн эрх ашиг бүхий хоёр бүлэг этгээд), эсрэг тал (эсэргүүцэгч этгээд), хавтаг, хавтгай дөрвөн тал (дөрвөн хавтгай, дөрвөн хэсэг) хоёр өнцөг булангийн дундахь тэгш зай найман талтай лонх (найман тэгш зай бүхий ханатай лонх), зургаан талтай шилэн аяга (зургаан тэгш зай бүхий ханатай шилэн аяга) (шилжсэн утга) чанар, байдал тал бүрийн авьяастай (олон төрлийн авьяастай), муу тал (муу чанар), сайн тал (сайн чанар), олон талын асуудал (янз бүрийн асуудал, олон талтай асуудал), аж ахуйн талын мэдлэг (аж ахуйн холбоотой мэдлэг).
талаар [тэмдэг нэр] дэмий, хэрэггүй, тусгүй, үр дүнгүй талаар болох (хий дэмий өнгөрөх, ашиг тусгүй болох), талаар хэрэг (дэмий хэрэг, тусгүй хэрэг).
талархаг [тэмдэг нэр] тал ихтэй газар, тал, нам дор газрын шинж бүхий талархаг газар (ихэвчлэн хээр тал үргэлжилсэн газар).
талархаг [тэмдэг нэр] ая тал засахдаа чадамгай, тал тохой татдаг талархаг байх (ая тал засахдаа чадамгай байх) ёсорхог, эелдэг талархаг хүн (ёсорхог хүн).
талархалт [тэмдэг нэр] талархал бүхий талархалт мэндчилгээ (талархал бүхий мэндчилгээ, талархал илэрхийлсэн мэндчилгээ).
талбиун [тэмдэг нэр] талбиу.
Зөвшөөрч байна Татгалзаж байна

Нээлттэй мэдээллийн сан www.opendatalab.mn цахим хуудсыг ашиглах, мэдээлэл хайх, түгээх хэн бүхэн доорх нөхцөлийг хүлээн зөвшөөрсний үндсэн дээр үйлчилгээ авах эрхтэй.

  1. Хуульд зааснаар төрийн болон орон нутгийн өмчийн хуулийн этгээд, бусад нийтийн эрх зүйн хуулийн этгээдээс олон нийтэд нээлттэй байршуулсан мэдээллийг иргэд, олон нийт үнэн зөв гэж үзэх эрхтэй. Иймд тухайн мэдээллийг мэдээллийн сан, түүнийг хариуцагч Бодлогод залуусын хяналт ТББ болон системийн ашиглалтыг хариуцсан аливаа хувь хүний байр суурь гэж үзэхгүй ба анхдагч эх сурвалжаас хүлээн авсан мэдээллийн үнэн зөв эсэх, тухай мэдээллийн талаар аливаа хууль эрх зүйн маргаан байгаа эсэхэд мэдээллийн сан хариуцлага хүлээхгүй.
  2. Мэдээллийн сан нь техникийн нөхцөл, боломжоос шалтгаалан тодорхой цаг хугацааны давтамжтайгаар албан ёсны эх сурвалжуудаас мэдээллийг татан авч, тухайн цаг үед үнэн зөвд тооцогдож байсан мэдээллийн түүх үүсгэдэг. Иргэд, олон нийт мэдээллийн санг хэзээ ашиглаж байгаагаас үл хамааран мэдээллийн түүхтэй танилцах эрхтэй тул тус мэдээлэл хуучирсан, эсхүл анхдагч мэдээллийн эх сурвалжаас устгасан, нэвтрэх боломжгүй болсон гэх үндэслэлээр тус мэдээллийн сангаас хасахгүй болно.
  3. Мэдээллийн санг ашиглан мэдээ, сурвалжилга бэлтгэх болон олон нийтэд түгээх бүхий л этгээд мэдээллийн санд хадгалагдаж буй өнгөрсөн үеийн болон одоогийн мэдээллийн үнэн зөв, хүчинтэй эсэхийг зөвхөн анхдагч эх сурвалж болон түүнийг хариуцагч төрийн эрх бүхий байгууллагаас нягталж шалгах үүрэгтэй.
  4. Энэ үйлчилгээний нөхцөлийн 3-т заасан үүргээ хэрэгжүүлээгүйтэй холбоотойгоор бий болох аливаа эрсдэл, хариуцлагыг зөвхөн тухайн этгээд хариуцах бөгөөд мэдээллийн систем болон түүнд холбогдох этгээдийг аливаа учрах нэхэмжлэл, хариуцлагаас чөлөөлнө.
  5. Тус мэдээллийн сангийн зохиогчийн эрх хуулиар хамгаалагдсан бөгөөд мэдээллийн сангаас боловсруулж хүргэсэн мэдээллийг олон нийтэд дурдах тохиолдолд эх сурвалжийг заах нь оюуны өмчийн эрхийн зөрчил үүсгэхгүй байх үндэслэл болно.