Тэмдэг нэр
асар [тэмдэг нэр]
маш, тун, их асар их (маш их), асар том (маш том), асар цэцэг (ургамал судлал) (навч дугариг хэлбэртэй, уулын хажуу ой модон дотор ялзмаг ихтэй газар ургадаг, олон наст өвс, эмийн найрлагад орно).
асаргүй [тэмдэг нэр]
төдий олон бус, сайн бус томгүй бие асаргүй (бие жижиг).
асвар [тэмдэг нэр]
гүдэс шулуун зантай.
асгат [тэмдэг нэр]
асга бүхий асгат даваа (хад чулуутай даваа), асгат уул (хад чулуутай уул).
асман [тэмдэг нэр]
хожуу хөнгөлсөн юмуу хуухнаг засаа нь гажиг согогтой учир хөнгөлж болохгүй эр мал лууган асман бух (хожуу хөнгөлсөн бух), асман шар (нас гүйцсэн хойно нь хөнгөлсөн эр үхэр).
асман [тэмдэг нэр]
үзэж сурсан юмгүй, дулимаг атлаа мэдэмхий хүн, хоёрын хооронд, аль нь ч биш асман дарга (а.мэдлэг туршлага муухан дарга б.бага, дунд албан тушаалтай дарга), асман лам (ном уншлага сайн мэдэхгүй лам).
асралт [тэмдэг нэр]
бусдыг асран халамжлах сэтгэл бүхий, асрал бүхий асралт ижий (энэрэлт ижий, халамжит ижий), асралт эх (энэрэлт эх, халамжит эх).
асрамжит [тэмдэг нэр]
асрамж бүхий, халамжит асрамжит эх (халамжит эх).
асрангуй [тэмдэг нэр]
асрах халамжлах сэтгэл төгс асрангуй хүн (халамжтай хүн), асрангуй хүн бүрд,
асуудалгүй [тэмдэг нэр]
аливаа асуудал үгүй даруй шийдэх зүйлгүй (шилжсэн утга) бэрхшээлгүй, төвөггүй, хялбар.
асуудалтай [тэмдэг нэр]
аливаа асуудал бүхий ярвигтай (шилжсэн утга) бэрхшээлтэй, төвөгтэй.
асхан [тэмдэг нэр]
ойр дөт, шулуун асхан зам (дөт зам).
асхан [тэмдэг нэр]
шулуухан, цэх асхан нуруутай (цэх, шулуун, гунхсан нуруутай), асхан уурга (тэгш шулуун уурга) гоё, сайхан асхан хүүхэн (гоолиг бүсгүй) зан авир шулуун, гүдэсхэн зантай юмны тэн хагас.
атаагүй [тэмдэг нэр]
атаа үгүй, мөчөөрхөн хорсох сэтгэлгүй атаагүй зан (атаа жөтөөгүй зан), атаагүй сэтгэл (атаа жөтөө агуулаагүй сайхан сэтгэл).
атаалзай [тэмдэг нэр]
намхан, тагдгар, аатан аатан атаалзай (хоршоо үг) (хуруун чинээ, эрхийн чинээ, атигар), арван таван толгойтой атаалзай хар мангас үлгэр. (арван таван толгойтой атигар хар мангас).
атаархаач [тэмдэг нэр]
атаархаж жөтөөрхөх сэтгэл тээн явагч атаархаач зантай (бусдын сайн үйлд мөчөөрхөн хорсох зантай).
атаархаг [тэмдэг нэр]
хүнтэй жөтөөрхөн, хорсох сэтгэлтэй атаархаг бодол (бусдад хорсон мөчөөрхөх сэтгэл).
атаархагч [тэмдэг нэр]
атаархах сэтгэл бүхий, атаач атаархагч нөхөр (атаач хүн).
атаархам [тэмдэг нэр]
эрхгүй атаархмаар, атаа хүрэм.
атаархангуй [тэмдэг нэр]
атаархсан байдалтай, атаархах янзтай атаархангуй үг (атаархсан байдалтай үг).