Тэмдэг нэр
мартагдашгүй [тэмдэг нэр]
мартагдах боломжгүй, мартагдах аргагүй мартагдашгүй дурсамж (санаанаас үл гарах дурсамж), мартагдашгүй үйл явдал (мартахын аргагүй үйл явдал).
маруу [тэмдэг нэр]
тааруу, муу хогшилоор маруу (хогшил хөрөнгө багатай).
марчгар [тэмдэг нэр]
нүүр царай нь нөрөө ихтэй, барчгар марчгар нүүр (нөрөө ихтэй, арзгар нүүр).
матаа [тэмдэг нэр]
матаж махийлгасан байдал матаа матаас (хоршоо үг) (а.матаж махийлгасан зүйл б.(шилжсэн утга) хов зөөх, хов хүргэх).
матаач [тэмдэг нэр]
хүнийг далдуур матан муучилдаг хүн матаач зан (далдуур матаж, муу хэлж байдаг зан байдал) зохих байгууллагад тодорхой хүний асуудлаар байнга мэдээлдэг хүн.
матгар [тэмдэг нэр]
матсан мэт махир, муруй, ээтгэр байдал матгар эвэр (эврийн үзүүр махир), матас матас хийх (мөтгөх юмны түргэн түргэн хөдлөх).
материаллаг [тэмдэг нэр]
үйлдвэрлэлийн үндсэн суурийг бүрэлдүүлэх хөдөлмөрийн бодот зүйлс материаллаг бааз (бодот хөрөнгийн нөөц), материаллаг урамшуулал (үйлдвэр аж ахуйн газрын төлөвлөгөөт ажлаас давсан ашгаас мөнгөн хөрөнгийн сан байгуулан, хамт олныг урамшуулах шагнал), материаллаг үйлдвэрлэл (бодот материал баялгийг бүтээх үйл явц).
матигар [тэмдэг нэр]
матаж муруйлгасан нь матигар мод (махир мод), матигаргүй модгүй, магтаалгүй хүнгүй (зүйр үг) (бүгд ямар нэгэн цол болоод хэлбэр байдалтай байх).
матмал [тэмдэг нэр]
матаж хийсэн зүйл матмал тооно (модоор зүйж биш матаж хийсэн тооно). матраас (нэр үг)нэг зүйл зузаан гудас.
махигар [тэмдэг нэр]
хагас дугуйрсан мэт байдал махигар саваа (тахигар мод), махигар соёо (махир нарийн, урт соёо).
махир [тэмдэг нэр]
дугуйран муруйж тогтсон хэлбэр, тахир махир гудамж (дугуйран муруйсан хэлбэртэй тахир гудамж), махир мод (дугуйран муруйж тогтсон тахир мод), махир тахир (хоршоо үг) (дугуй, муруй тогтоцтой, шулуун биш байдал), махир хуруут (амьтан судлал) (элсэрхэг гуу жалганд амьдардаг, монголд ховордсон геккон гүрвэлийн овогт багтах амьтан).
махлаг [тэмдэг нэр]
тарган, мах мариа ихтэй байдал махлаг биетэй (тарган биетэй), махлаг царайтай (нүүрээрээ мах ихтэй байдал), махлаг үндэс (гол үндэс, хөврөлийн тэнхлэгээс бүтсэн шим тэжээлийг хадгалах үндэс), махлаг тарган (хоршоо үг) (мах мариа сайтай, тарган), махлаг сүүн орхоодой (ургамал судлал) (навч нь ишиндээ ороож ургадаг, зууван хэлбэртэй, сүү шиг шүүстэй, шар болон шаравтар ногоон өнгөтэй, жалганы хажуу, ой, бут сөөг, гууны хөвөө чийгтэй газар ургадаг олон наст өвс).
махруу [тэмдэг нэр]
аливаа ажилд мэриймтгий, шамдамхай байдал махруу залуу (аливааг хурдан дуусгахыг хичээн, мэрийн зүтгэдэг залуу), махруу ажиллах (ихэд шамдан ажиллах).
махсаг [тэмдэг нэр]
мах идэх дуртай махсаг хүн (мах идэх дуртай хүн), малгүй хүн махсаг, малгайгүй хүн гоёмсог (зүйр үг) (өөрт байхгүй зүйлд илүү харан, ихэд шунан дурлах).
мацуу [тэмдэг нэр]
мөчиг тарчиг.
микро [тэмдэг нэр]
өчүүхэн жижиг, бичил хэсэг микро автобус (бага оврын автобус), микро ертөнц (бичил ертөнц буюу эгэл бөөмсийн үзэгдэл), микро организм (бичил бие), микро эдийн засаг (хэрэглэгчдийн хэрэгцээг бараа бүтээгдэхүүн, үйлчилгээгээр шууд хангах үйлдвэрлэл, үйлчилгээний систем).
милитарист [тэмдэг нэр]
цэрэг дайны хүчээр түрэмгийлэх талыг баримтлагч.
минат [тэмдэг нэр]
мина бүхий.
миначин [тэмдэг нэр]
мина тавьж бэлтгэдэг мэргэжлийн хүн.
минчгэр [тэмдэг нэр]
хөөнгө, улайн чинэрсэн нь минчгэр нүүр (чинэрсэн хүрэн улаан нүүр), минчгэр улаан хамар (цус хурж чинэрсэн хүрэн улаан хамар).